LAUSENJO
À NÒSTI TAMBOURINAIRE.
Vàutri, galant tambourinaire,
Sus lou galoubet, lou
tambourin,
Enfestoulissès noste terraire
De vòsti meloudious refrin.
Vosto musico encantarello
De gau fai trefouli li cor,
E vòsti gàii ritournello
Bouton nosto amo en
estrambord.
Lausas
Mistrau e sa literaturo
Qu'i Prouvençau a reviéuda
L'afecioun de nosto parladuro
Signe de nosto identita.
Ounouras nòsti blùiis Aupiho
Tant de cop trevado pèr
Charloun;
E lou mounde quiet de la
pastriho
Que pèr Crau fai paisse si
móutoun
S'envan sus lis alo de
l'aureto
Vòstis aire bèn armounious,
Acoumpagnant, bèn poulideto,
Li dansarello en si pas
biaissous.
Fasès ausi la mistralado
Que boufo à desbana li tau :
Nous fasès viéure, is
abrivado,
L'afecioun di bon Miejournau.
E pèr li Fèsto Calendalo
Fasès ounour au Nouvèu Na,
Cantan vòsti roussignoulado,
Sabòli e la Nativeta.
Glòri à vous, bèu musicaire,
Qu'emé forço, passioun,
amour,
Nous alargas l'èime di Paire,
Sa gau emai sa bono imour.